Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

Aste honetan auzo batzarrak egin ditu Udalak, 2020ko egoeraren berri eman, 2021eko aurrekontuen proposamena aurkeztu eta auzoen inguruan zuzenean aritzeko herritarrekin. Hori dela eta, balorazio sakonagoa egin aurretik, lehenengo datuen berri eman nahi du Udalak. Garrantzitsua da Gobernu Taldearentzako parte hartu duten auzotarren balorazioak onak izan direla.

Aurten batzarretan jende gutxiagok hartu du parte. COVID19 osasun larrialdiarengatik izan dela uste du Udalak, nahiz eta osasun-segurtasuna bermatzeko beharrezko neurriak hartu diren. 51-65 adin-tarteko parte-hartzaileen kopurua mantendu da: helduagoen eta gazteagoen kopurua da jaitsi dena. Parte-hartzaileen %47,43 emakumeak izan dira eta %52,57 gizonezkoak.

Aldaketa nabarmenetako bat Altzibar, Arragua, Iturriotz eta Ugaldetxoko auzo batzarrak auzoan beharrean, udaletxeko areto nagusian egitea izan da. Jendeak ez du gaizki baloratu aldaketa, arrazoia ulertu baitute. Hala ere, aukera dagoenean berriz auzo batzar bakoitza dagokion auzoan egitea da Udalaren asmoa. 

Auzo guztietan gehien errepikatu diren kezkak eta kexak arau-hausteen ingurukoak izan dira: ibilgailuen abiadura handia; txakur-kakak ez jasotzea; zikinkeria... Alegia, herritarren esku dauden bizikidetza neurriak. 

Aste honetako auzo batzarretako akta guztiak daude www.oiartzun.eus webgunean argitaratuta.