Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

Pasa den larunbatean, Kattin Txikik ekoitzi eta Udalak lagundu duen 36ko haur erbesteratuei buruzko dokumentala estreinatu zen, talde memorialistarekin batera Udalak ere parte hartu zuen ekitaldi instituzional xumean.

36ko Gerran Britania Handira eta Frantziara erbesteratu behar izan zuten haur oiartzuarren memoria berreskuratu nahi izan du Kattin Txikik. Zazpi ume joan ziren erbestera, eta horietako bosten testigantzak bildu dira dokumentalean.

Nikolas eta Daniel Aristizabal; Maritxu eta Manolo Gaztelumendi; Maria Luisa Lahoya eta, Maria eta Mañoli Mujika haurrak omendu ziren ekitaldian.

Jexux Leonet alkateak lore-sorta bana oparitu zizkien ekitaldian parte hartu zuten Nikolas Aristizabali eta, Gaztelumenditarren eta Lahoyaren senideei. "Familia askok beraien seme-alabak erbestera bidali behar izan zituzten frankisten okupazioaren ondorioz. Ezin du imajinatu guraso haientzat zeinen gogorra izango zen seme-alabengandik bereiztea eta eguneroko bizitzan errepresioa sufritzen jarraitzea".

Horrez gain, 1939 eta 1945 urteen artean herrian gertatu zenaren memoria historikoa berreskuratzeko Kattin Txiki egiten ari den lan eskerga eskertu zuen Leonet alkateak, Udalaren izenean.