Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

Uda badator, eta baita Oarsoaldeko Uda Kirol eskaintza ere. Guztira, 26 jarduera eskainiko dira eskualdean, horietako 15 Oiartzunen.

Jarduera gehienak haurrei bideratuak izango dira, baina helduek ere izango dute ariketa fisikoa egiteko aukera. Jarduera bakoitzak prezio berezitua du. Oiartzunen 34,70 € eta 90,60 € artean oraindu beharko da ikastaroengatik.

Hauek dira Oiartzunen eskainiko diren jarduerak: aquagym; bike eskola; cycling; entrenamendu funtzionala; eskalada; gaztefitness; igeriketa; lerro irristaketa; multifitness; padel hastapena; top kirola; XC eta enduro udalekuak; zirko tailerra eta zumba.

Oiartzungo kasuan, ekainaren azkeneko astean hasiko dira jarduerak eta uztailean ere izango da. Izen-ematea dagoeneko irekita dago eta jarduerak martxan dauden denbora guztian zabalik egongo da. Izena emateko, antolatzaileekin jarri behar da harremanetan.

Eskualdean, aukera zabala

Oiartzuarrek gure herrian bertan eskaintzen diren jardueretan edota Errenterian, Lezon eta Pasaian eskainiko direnetan parte hartzeko aukera izango dute, beste herrietako bizilagunen baldintza berdinetan. Herri horietan Oiartzunen ere eskainiko diren jarduerez gain beste 11 egiteko aukera izango da (konbinazio, maila eta adin-tarte ezberdinekin): arrauna; dantza; gimnasia erritmikoa; judo; jumpfit; kenpo; kirol kanpusa; paddel surf-a; pilota; piraguismoa eta tenisa.

Eskualdeko eskaintza ekainaren 20an hasiko da eta iraileko lehenengo astera arte luzatuko da. 

Piraguak eta stand-up paddle-ak alokatzeko aukera ere izango da udan zehar Pasai Donibanen.

Informazio osoa www.oiartzun.eus-en edo antolatatzaileekin harremanetan jarrita eskuratu daiteke. 

Oiartzungo ekintzen antolatzaileak:

Elorsoro kiroldegia (BPXport): 943 49 25 52

Tximeleta: 943 11 63 42

Xomorro taldea: xomorrotaldea@gmail.com

OTXE: www.otxe.eus

• UDA2022.pdf