Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

Azken hilabeteetan Oiartzunera bizitzera etorri direnei harrera egiteko saioa antolatu dute Udaleko Hizkuntz normalizaziorako eta Ongizate sailek eta Abaraxka Udal Ludotekak. Hilaren 28an izango da, ostirala, 18:00etan Abaraxka Ludotekan.

Aurten egingo den bigarren saioa izango da (lehenengoa maiatzean egin zen), eta ordutik herrian erroldatu diren 63 bizilagun berriei parte hartzeko gonbita egin zaie.

Betitik edo aspalditik Oiartzunen bizi direnak ere gonbidatu nahi ditu Udalak saiora. Izan ere, etorriberrien parte hartzea bezain garrantzitsua da bertako herritarrena eta eragileena, harrera naturalagoa izateko.

Jakiak eta doinuak izango dira protagonista

Otordu baten bueltan elkartuko dira parte hartzaileak. Bertako eta urrutiko jakiak eta doinuak izango dira protagonista. Horretarako, partaideei norberak prestatutako zerbait ekartzeko deia egin diete antolatzaileek, Euskal Herriko eta atzerriko platerak dastatzeko.

Igandean, munduko arrozak dastatzeko aukera

Igandean Munduko Arrozak eguna ospatuko da Doneztebe Plazan. Gure eta munduko beste kulturak partekatu eta elkar ezagutzeko aukera paregabea izan ohi da gastronomia. Oiartzunen bizi garen nazio eta kultura ezberdinetako pertsonak ezagutu eta zubiak eraikitzeko aukera izango dugu, arroza oinarri hartuta.