Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

Arte sorkuntzarako eta ekoizpen-prozesuetarako dirulaguntzak emango ditu Oiartzungo Udalak, herrian sorkuntza eta ekoizpen prozesuak sustatu eta bultzatzeko. 10.000 euroko laguntza emango du. Zinema, argazkia, dantza, literatura, musika, antzerkia, ikus-entzunezko edo arte plastikoko obrak gauzatzen dabiltzan edo gauzatu nahi dituzten herritar edo elkarteek eskatu dezakete laguntza.

Irizpide ezberdinak erabiliko dituzte aurkeztutako proiektuak baloratzeko: proiektuaren interesgarritasuna, kalitatea eta originaltasuna, Oiartzungo artista/eragilea izatea eta proiektuaren garatze prozesuan herritarren inplikazioa lortzea, besteak beste.

2022an banatu zituen lehen aldiz beka hauek Udalak. Erakusketa eta tailerrak, poesia bilduma eta liburuak, emanaldiak, disko grabaketa, film laburrak… 7 proiektu lagundu zituen. Maiatzaren 31 bitarte egongo da zabalik aurtengo deialdian parte hartzeko eskaerak aurkezteko epea. Informazio osoa udaleko webean aurki daiteke, dirulaguntzak atalean.