Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

Kanterri, euskaraz kantatzen duen herria ikastaroa antolatu du KantagiLtzak eta Ahotseneak uztailaren 10 eta 11n, Oiartzungo Udalarekin laguntzarekin. Udaletxeko areto nagusian eta Arizmendieneako lorategian izango da.

Euskarazko kantagintzaz aztertu, ikertu, hausnartzeko tartea hartuko dute musikari, letragile, hezitzaile eta kulturzaleek bi egunez. Euskarazko kantagintzaren ekarpen historikoaz hausnartu, letrak euskaraz sortzen trebatu, euskarazko kantagintzaren transmisiorako baliabideak eman eta euskaraz kantatzeko grina transmititzeko bideetan sakontzeko aukera izango dute.

Punta-puntako musikari eta idazleak gonbidatu dituzte saioetara: Jokin Azpiazu, Joseba Sarrionandia, Maite Larburu, Jon Urzelai Urbieta, Marie Hirigoien eta Ana Arsuaga.

Izen-ematea zabalik

Ekainaren 18ra bitarte egongo da irekita izena emateko epea, www.labur.eus/kanterri helbidean. Ikastaro osoaren prezioa 40 € da eta egun bakarrekoa 25 € (Berrialagunentzat eta soldatagabeentzako, 35 € eta 20€).

Informazio gehiago nahi dutenek kantagiltza@gmail.com-era idatzi edo 943 49 10 34 telefonora dei dezakete.