Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

Xanistebanetako eta udako kanten zerrenda osatzeko burubelarri lanean dabiltza Oiartzungo ikastetxeetako Eskuttun (Haurtzaro ikastola) eta Ttiriki-ttauki (Elizalde institutua) taldeak eta Udala. Ekainaren 15ean egin zuten playlist-a osatzeko prozesua antolatzeko bilera. Aurten bi ikastetxeetako euskara taldeetako 30 gazte baina gehiago ari dira Udaleko Hizkuntz Normalizaziorako sailarekin elkarlanean.

10 eta 25 urteko gazteek egin ditzakete proposamenak. Uztailaren 3a arte izango dute epea, online lotura honetan.

Bi izango dira bete beharreko baldintzak:

• 10 kantatik gutxienez 8 euskaraz izango dira.
• Edozein arrazoirengatik mingarriak diren kantak baztertu egingo dira.

Gazteek proposatutako abestiekin Oiartzungo Udako 10 kanta bozkatuenen zerrenda osatu eta gainontzeko kantekin playlista argitaratuko dute Spotify plataforman.

Altabozak eta Xanistebanetako barraketarako fitxak zozketatuko dituzte parte hartzaileen artean.