Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

8.250 oiartzuarrek izango dute igandean Eusko Legebiltzarreko hauteskundeetan botoa emateko eskubidea. Herriko zazpi lekutan 13 boto-kutxa jarriko ditu horretarako.

Hauteslekuen kokapena zein den gogorarazi du Udalak. Iaz egin ziren aldaketak mantenduko dira: Ugaldetxoko bizilagunek auzoko lokal berrian eman beharko dute (Rafael Pikabea etorbidea 56-58) eta iturrioztarrek Dorretxean (Ozentzio kaleko 3. zenbakian, baina Zirauki kaleko atetik sartu beharko da). Elizalden, aldiz, ikastetxeko frontoian izan beharrean ikastetxe barruan jarriko dituzte hautes-mahaiak, lehen egoten ziren tokian.

• Elizalde: Elizalde ikastetxea (Manuel Lekuona etorbidea 5)
• Iturriotz: Dorretxean (Ozentzio kalea 3 behea)
• Arragua: Anbulatorioan (Lartzabal etxadia z/g)
• Altzibar eta Karrika: Altzibarko eskoletan (Agerrealde etxadia 7)
• Ergoien: Auzokalte elkartean (Tornola kalea 4)
• Gurutze: Bizardia elkartean (Gurutze bidea 18)
• Udaldetxo: Auzoko udal lokalean (Rafael Pikabea 56-58)

Udalak gogorarazi du 2023ko azaroaren 29an erroldatutako helbidearen baitan zehaztu duela INE-k herritar bakoitzak zein tokitan eman behar duen botoa. Beraz, azken hilabeteetan erroldan aldaketaren bat egin duten herritarrek aurreko helbideari dagokion hauteslekura joan beharko dute.