Deialdi irekiak

Helburua: Elizalde eta Altzibar auzoetako lokal hutsetan merkataritza txikia  sustatzea eta indartzea da dirulaguntza hauen helburu nagusia.

Proposamenak aurkezteko epea, lekua eta modua: Administrazio Publikoen Administrazio Prozedura Erkidearen urriaren 1eko 39/2015 Legearen 16.4 artikuluan  jasotako tokietan eta moduan aurkeztuko dira, Gipuzkoako Aldizkari Ofizialean deialdi hau argitaratu eta biharamunetik hasita 2025eko abenduaren 31a bitarte (barne).

Dirulaguntzen zenbatekoa: Dirulaguntza hauek ordaintzeko guztira, 35.000 euroko izendapena eginda dago, Oiartzungo Udalaren aurrekontuko 1 0223.471.430.00.01 2025 zenbakidun diru-atalaren kontura. 

Deialdiaren araudia: Oiartzungo merkataritza txikia sustatzeko dirulaguntzen deialdiko oinarriak.

Aurkeztu beharreko dokumentazioa: 

• Eskaera orri orokorra.
• Proiektuaren memoria.
• 2025 urteko gastuen aurreikuspena (dirulaguntzaren kopuruak arterainokoak).
• Kontu korrontearen zenbakia.

Eskaerak edo horrekin batera doan dokumentazioak ez baditu identifikazio datuak biltzen, akatsen bat badu edo zerbait falta bada, eskatzaileari eskatuko zaio 38/2003 dirulaguntzak arautzen dituen Lege Orokorrak eta Udal Ordenantza Orokorrak (GAO, 2018/11/30) ezarritakoari jarraiki, hamar eguneko epean akats horiek zuzentzeko; eta adieraziko zaio ezen, hori egingo ez balu, eskaeran atzera egin duela ulertuko dela, aipatu legearen 23. artikuluan aurreikusitako moduan.

• Oinarriak.pdf