Udal berriak

72.000 €ko inbertsioa egingo du Udalak Elizaldeko auzunean

Elizaldeko Bidegaña auzogunea txukundu eta berrantolatzeko lanak hasi dira. Bizilagunen eskaerak aintzat hartuz, espaloia berritu, argiteriako kableak lurperatu, aparkalekuak berrantolatu eta seinaleak jarriko dira.

Udalak 72.000 € inbertituko ditu Elizaldeko auzunea biziberritzera eta lanek bi hilabeteko iraupena izango dute. Bitarte horretan, trafikoan eta aparkalekuetan aldaketak egon daitezke.