Udal berriak

Izar Etxeberria Arruabarrena dantzariak bosgarren urtez segidan irabazi du Euskal Herriko Soinu Zahar Txapelketa. Gaur, ohitura denez, Koldobika Jauregiren oroigarria Oiartzungo Udalari entregatu dio, urtebeterako.

Josune Cousillas Kultura zinegotziak jaso du Etxeberriaren eskutik oroigarria. Herri guztiaren izenean eskerrak eman dizkio Cousillasek, eta gure herrian euskal dantza punta-puntan mantentzen jarraitzeko animoak eman.