Udal berriak

Bost sari banatuko dira

Aurtengo xanistebanak iragarriko dituen kartela aukeratzeko lehiaketa martxan jarri da. Lanak aurkezteko epea maiatzaren 31 eguerdian bukatuko da (13:00ak baino lehen, udaletxeko harreran).

70x50 zentimetro izango da kartelaren neurria eta Xanistebanak 2018 leloa agertzea derrigorrezkoa izango da. Era berean, lanetan genero-irizpideak kontuan hartzea baloratuko da. Gainerakoan, edonor aurkeztu daiteke lehiaketa honetara, nahi adina lanekin.

Xanistebanetako Jai Batzordeko kideek osatuko dute epaimahaia, eta genero-irizpideak kontuan hartuko dituzte aukeraketan.

Sari banaketa, xanistebanetako kultur ekitaldian

Aurten ere bost sari banatuko dira: kartel irabazlea (600 €); oiartzuar onena (300 €); bi akzesit (50 €) eta 100TZE Sormen Espazioan urtebeteko beka. 

Xanistebanetako kultur ekitaldian egingo da sari banaketa, alegia, abuztuaren 1ean.