Udal berriak

Meategira bisita gidatuak aurrerago jarriko dira martxan

Bi hilabete eta erdiren ondoren, iritsi da azkenean eguna: ekainaren 3an, asteazkenarekin, parketxe guztiak irekita egongo dira berriro (Lizarrusti izan ezik). Instalazioak egokituta eta prestatuta daude SARS-cov-2 birus kutsatzeko arriskua saihesteko.

Ekaineko larunbat guztietan Iparra galdu gabe orientazio jolasa eskainiko da, famlian goiz dibertigarri bat pasatzeko plan ezin hobea. Arditurri parketxetik abiatu eta bertako inguruan barreiatu beharko dira bisitariak frogak bilatzeko.

Hasiera ordua: 10:00-12:00 (txandak 20 minuturo)

Abiapuntua: Arditurriko parketxea

Hizkuntza: Elebitan

Prezioa: 3 € (familia ugarietan, kide bat doan)

Oialekuko mairubaratzeak ezagutzeko familiako plana

Ekainaren 7an, igandea, mendi ibilaldi gidatua egingo da: Oialeku, mairubaratzeen bila. Oiartzungo Kauso aparkalekutik abiatuz 4 kilometro inguruko ibilaldia da, bertan dauden megalitoak, pasaia kulturalak eta natura interpretatzeko geldiuneak egingo dira, etxeko txikienen arreta ere erakarriko dugu, hori guztia mitologiarekin uztartuko baita.

Abiapuntua: 10:00etan Kausoko aparkalekutik.

Bukaera: 12:30ean toki berean.

Hizkuntza: Euskara

Hamaiketakoa egiteko tarteka egongo da

Prezioa: 5 €/3 € (3-12 urte)

Hilaren 21ean, mineralen bila

Ekainaren 21ean, igandea, Mineralen bila ibilaldia eskainiko da Arditurri parketxearen inguruan. Helburua meatzaritzak utzitako aztarnak ikustea izango da, baita ustiatutako mineralak topatzea, hori bai, gero bertan utzi beharko dira.

Abiapuntua: 10:00etan Arditurriko parketxean

Bukaera: 12:00etan toki berean

Hizkuntza: Elebitan

Prezioa: 4 €/2 € (3-12 urte)

Meategira bisitak oraingoz ez dira egingo, baina epe laburrean hasiko dira.

Jarduera guztietan COVID-19 osasun-prebentziorako neurriak hartuko dira:

- Talde txikian ibiliko gara, segurtasun neurriak mantenduz.

- Eskuak garbitzeko gel hidroalkoholikoa eramango dugu.

- Musukoa eraman.

INFORMAZIOA ETA ERRESERBAK:

Telefonoa: 943 49 50 69/688 89 50 68

E-maila: arditurri@gipuzkoanatura.eus

Webgunea: www.gipuzkoanatura.eus