Udal berriak

10 puntuko gai zerrenda landuko da

Iraileko ohiko udalbatzarra izango da datorren asteazkenean (hilak 30), 19:00etan. 

Udalbatzarra herritarrei irekia izango da, aforo mugatuarekin eta osasun-neurriak errespetatuta.

10 puntuko gai-zerrenda landuko dute zinegotziek. Hauxe:

1) Aurreko batzarrari dagokion aktaren onarpena.

2) 2021ko Udal Zerga Ordenantzaren hsaierako onarpena.

3) GUR-1C eremuan etxebizitzak eraikitzeko Xehetasun Azterketaren bigarren aldaketari behin betiko onarpena.

4) Euskaraldiari buruzko Oiartzungo Udalaren adierazpen instituzionala Osoko Bilkurari proposatzea eta ekimenean entitate gisa izena ematea.

5) Donostia-Bidasoako landa garapenerako elkartea (Behemendi) Oiartzungo Udalaren bitarteko propio izendatzea.

6) Oiartzungo Mendiburu kalea 14ko zerbitzu anitzeko udal ekipamenduaren proiektuko 1. fasea: eraispen proiektuaren eta 3 fasea: oinarrizko gauzatze proiektuaren lanen kontratuaren etenaldiaren berri ematea.

7) 19/20 ikasturteko E1 Eskola Kirola, Muittu! eta eskola ordu- gaineko ekintzen koordinazio egitasmoak sustatzeko Elizalde Eskolarekin sinatutako hitzarmena baliogabetzea eta Elizaldeko Guraso Elkartearekin hitzarmen berria onartzea.

8) Kreditu aldaketarako 05/2020 espedientea, kreditu gehigarriaren bitartez, onartzea.

9) Beste organoen jardueraren jarraipena.

10) Eskari-galderak