Udal berriak

Oarsoaldeko Enplegu Planari esker, bost lagun kontratatuko ditu Oiartzungo Udalak epe motzean: hiru peoi, peoien arduradun bat eta delineatzaile bat.

Balio anitzeko peoiek igeltseritza, margoketa, garbiketa eta lorezaintza lanak egingo dituzte. Delineatzaileak, berriz, altxamendu topografikoa egingo du, Hirigintza sailean. Lau eta bost hilabetkeo kontratuak izango dituzte.

Oarsoaldea Garapen Agentziarekin elkarlanean, langabetuei bideratutako programa da eskualdeko Enplegu Plana. Enplegua sustatu eta lan-munduratzean laguntzea da helburu nagusia.

Oiartzungo Udalak 67.687,74 €bideratuko ditu Enplegu Planeko bost lanpostu hauek bideratzera.