Udal berriak

Udal sail guztietan generoaren gaia transbertsalki landu nahi da.

Politika tradizionalak ikuspegi androzentrikoarekin egin izan dira, gizonen lehentasunak erdigunean jarriz. Errotik aldatu nahi du hau Oiartzungo Udalak eta udaleko sail guztietan feminismoa zeharlerro moduan txertatzea du helburu, egiten diren proiektu guztietan gizon-emakumeen arteko parekidetasuna bultzatzeko.

Horretarako, Udaleko administrari eta teknikari guztiek trebakuntza saioak izan dituzte. Emakume eta gizonen berdintasunerako lege berriaren aldaketa nagusiak zein diren landu dituzte eta sail bakoitzari bereziki zerk eragiten dion jorratu da. Gainera, hizkera eta komunikazio ez sexistaren inguruko formazioa ere jaso dute administrariek.

Etengabeko formakuntza jasotzen jarraituko dute udal langileek, sail guztietan generoaren ikuspegia lantzeko.