Udal berriak

Herriko mugimendu feministak gaurko antolatutako elkarretaratzearekin bat egin du Udalak.

Euskal Herrian izan den azkeneko hilketa matxista salatu nahi du Oiartzungo Udalak. Larunbatean Iruñean gizonezko batek bere bikotekidea hil zuen. Aurten Euskal Herrian indarkeria matxistak hildako laugarren emakumea da.

Oiartzungo Udalak, hilketa matxista gogor gaitzesteaz gain, gizarte parekide baten alde lanean jarraitzeko konpromisoa berretsi nahi du.

Era berean, Udalak bat egin du Oiartzungo Feministen Asanbladak gaur (hilak 3) hilketa matxista hau salatzeko egingo duen elkarretaratzearekin (Done Eztebe plazan, 19:00etan) eta herritarrak ere euren gaitzespena adieraztera gonbidatu nahi ditu.

Udaletxeko balkoian indarkeria matxista salatzeko puntu morea jarrita dago.