Familiei elkartasuna helarazi eta eskura dituen baliabide guztiak eskaini dizkie.
Hunkituta eta triste esnatu da gaur goizean Oiartzun, Mont Blanceko istripu larriaren ondoren oiartzuar gazte bat galdu ostean.
Herriko elkarte desberdinetan parte hartutako pertsona zen eta, bere gaztetasunean ekarpen handiak egindakoa, baita herrian oso ezaguna den familia handi bateko kidea ere. Oiartzuar guztiontzat izan da atsekabe handia.
Udala hildako eta zauritutako oiartzuarren familiekin harremanetan jarri zen atzo, herri bezala, gertaera lazgarri hau pairatu duten familiei behar duten elkartasuna adierazi eta laguntza eskaintzeko, izapide administratiboak ahal den neurrian arintzeko edota beharko luketen laguntza psikologikoa beraien esku jartzeko. Aldi berean, beraien espazio intimoa errespetatzeko eskatu du Udalak. Oiartzunek eta oiartzuarrek espazio seguruak eskaini behar dizkie hurbilenekoei agurra egiteko eta horrelako une zailetan agertzen diren sentimenduak adierazteko ere.
2024 © Oiartzungo Udala. Lege Oharra | Erabilerreztasuna | Cookiei buruzko oharra | Datuen Babeserako politika