Noticias

Para leerlo en castellano, queremos invitarle a utilizar el traductor neuronal que el Gobierno Vasco ha puesto al servicio de la ciudadanía: Aquí

El ayuntamiento dispone de versiones en castellano de sus publicaciones periódicas. Se pueden recibir pidiéndolo a la dirección: komunikazio@oiartzun.eus

Azken urte hauetan Beloaga gaztelua berreskuratzeko lanetan ibili dira Beloaga Bizirik elkartea eta Udala. Oiartzungo bailara bostehun bat urtez babestu zuen Erdi Aroko gazteluak, eta gure herriko ondare historiko hau balioan jarri nahi izan dute. Egitura nagusia berreraiki, irisgarritasuna eta segurtasuna hobetu eta  herritarrei eta bisitariei gotorlekuaren historia ezagutzera emateko panel informatiboak jarri dituzte. Azken egun hauetan, gaztelura eta Arkalen dauden beste interes puntuetara (barrakoira, bunkerretara eta hilarrira) iristeko seinaleak markatu dituzte.

Berreskuratze lanak bukatuta, larunbatean (hilak 5) egingo dute inaugurazioa. 12:00etan jarri dute hitzordua, Gurutzeko plazan, eta bertatik abiatuko dira elkarrekin Beloagara. Poliki-poliki igo eta 12:30ean emango diote hasiera ekitaldiari, gazteluan bertan. Beloaga Bizirik-eko Joxe Mari Iturriotzek eta Jose Etxezurietak hartuko dute hitza. Lehenak Beloaga historian kokatuko du eta bigarrenak elkartearen bidea zein izan den azalduko du. Udalaren izenean, Ibon Mitxelena zinegotziak azken urteetan egindako proiektuak ere azalduko ditu. Soinueneako kideek musika goxoz girotuko dute ekitaldia. Bizardia elkartean egingo duten hamaiketakoarekin amaituko dute goiza.

Oiartzuar denak gonbidatu dituzte inauguraziora, herriko ondarea eta historia ezagutzeko aukera ezin hobea izango baita.