Antolaketa eta funtzionamendua
Hiri-hondakinen bilketa atez ate egiten da hirigunean, baina landa eremuan ekarpen-guneen bidez egiten da. Atal honetan gune bakoitzean hondakinen bilketa nola egiten den azaldu da.
HIRIGUNEA
Hondakinak, egun eta ordu jakinetan, etxeko atarian biltzen dira.
Beiraren iglu berdea da kaleetan dagoen edukiontzi bakarra. Gainontzeko hondakin atal guztiak, baita organikoa ere, etxe-atarien kanpoaldean jarritako zintzilikailuetan biltzen dira, gauez.
Bost hondakin atal bereizten ditugu: organikoa; ontzi arinak; papera eta kartoia; beira eta errefusa.
Ordutegia eta egutegia
Bilketa-modua
Hondakinak ateratzeko ordutegia: 20:00-22:00. Beira jasotzeko ez dago ordutegi eta egutegi jakinik, kaleko iglu berdea erabiltzen baita.
- Organikoa: Ontzi marroian eta poltsarik gabe, zintzilikailuan. Poltsaren ordez sukaldeko papera erabiltzea aholkatzen da. Horrela, ontzia garbi mantentzen da eta usain txarrak ekiditen dira, paperak hezetasuna xurgatzen baitu. Usainen harira, ontzia etxean den artean irekita mantentzea eta arrain hondarrak sukaldeko paperetan biltzea gomendatzen da.
- Ontzi arinak: Plastikozko poltsan, zintzilikailuan. Komertziotako poltsak berrerabiltzea aholkatzen da.
- Papera eta kartoia: Paperezko poltsan, kartoizko kaxan edo soka batekin lotuta, zintzilikailuan.
- Beira: Kaleko iglu berdean.
- Errefusa: Plastikozko poltsan, zintzilikailuan.
Etxe ataritako zintzilikailuetan herritar bakoitzak bere kakoa du ontzia eta poltsak uzteko.
|
Atez ateko bilketa ordutegia edo egutegia errespetatu ezin denean, larrialdi bat dagoenean, ontzi arinak eta papera eta kartoia Garbigunera eraman daitezke. Organikoa eta errefusa, aldiz, Talaiako ekarpen gunera eraman beharko da eta horretarako giltza eskatu udaletxean.
LANDA EREMUA
Landa eremuan bizi diren herritarren hondakinak ez dira hirigunean bezala jasotzen, ez dira atez ate biltzen. Landa eremuko herritarrek zintzilikailuen ordez bilketa-guneak erabiltzen dituzte beren hondakinak uzteko, eta ez dute ordutegi eta egutegi jakinik betetzen. Bilketa gune hauei aportazio-guneak deitzen zaie.
Aportazio-guneak
Bilketa-guneak eremu itxiak dira eta hondakinak egoki sailkatzeko edukiontziak daude bertan. Edukiontzi marroia organikoarentzako, horia ontzi arinentzako, urdina papera eta kartoiarentzako, iglu berdea beirarentzako eta kontenedore grisa errefusarentzat.
Aportazio-guneak itxiak izanik, landa eremuko bizilagunek giltza dute bertan sartzeko.
Auzo hauetan daude aportazio-guneak (ikusi mapa):
- Altzibar: Artikutzako bidean.
- Elizalde: Ollarriarreko aparkaleakuan.
- Ergoien: Pagoaldea poligonoan.
- Gurutze: Bizardia plazan eta Maldaburu bidean
- Iturriotz: Zirauki kalean.
- Ugaldetxo: Iradi bidean eta Zerradi poligonoan
- Arragua: Talaia poligonoan
Bilketa modua
- Organikoa: Zuzenean, poltsarik gabe, edukiontzi marroira. Poltsaren ordez sukaldeko papera erabiltzea aholkatzen da. Horrela, ontzia garbi mantentzen da eta usain txarrak ekiditen dira, paperak hezetasuna xurgatzen baitu. Usainen harira, ontzia etxean den bitartean irekita mantentzea eta arrain hondarrak sukaldeko paperetan biltzea gomendatzen da.
- Ontzi arinak: Plastikozko poltsan, edukiontzi horira. Komertzioetako poltsak berrerabiltzea aholkatzen da.
- Papera eta kartoia: Zuzenean, paperezko poltsan edo kartoizko kaxan, edukiontzi urdinera.
- Beira: Zuzenean iglu berdera.
- Errefusa: Plastikozko poltsan, edukiontzi grisera.
ALTZARIEN BILKETA
Hileko lehen eta hirugarren ostegunetan biltzen dira, baina horretarako atez ateko bulegora deitu behar da adierazteko zer aterako den eta bilketa lekua adosteko. Jaiegunak edo beste gertakariren bat dela eta, bilketa eguna aldatu daiteke.
MERKATARIAK
Herriko merkatarien eta elkarteen hondakinak ere atez ate biltzen dira. Hala ere, merkatari edo elkarte bakoitzean sortzen diren hondakinen kopurua eta izaera ezberdina denez, atez ateko informazio bulegokoekin bildu eta zerbitzua zehazten da.
Bilketa gehigarriak
Norberaren beharren arabera, herriko merkatari eta elkarteek hondakin-atal ezberdinak jasotzeko bilketa estrak eskatzeko aukera dute. Hau da, gauetako zerbitzuarekin nahikoa ez eta goizetan zerbitzu batzuk eska daitezke: organikoarena astearte goizetan, errefusarena asteazken goizetan eta papera eta kartoiarena ostiral goizetan.
Hondakinen gida
Gehigarriak
