Udal berriak

19 puntuko gai-zerrenda landuko da

Datorren asteazkenean, otsailak 27, otsaileko ohiko udalbatzarra izango da, 19:00etan udaletxean.

19 puntuko gai-zerrenda landuko da. Hauxe:

1) Aurreko batzarrari dagokion aktaren onarpena.

2) Zailtasunak dituzten haurrentzako laguntza-eskaerak bideratzeko 2019 urteko irizpideen onarpena.

3) Arditurriko bidegorriko zati batean kableatua, argiteria eta koadroen berritze proiektua zati batean finantzatzeko Gipuzkoako Foru Aldundia eta Oiartzungo Udalaren arteko hitzarmenaren onarpena.

4) Oiartzungo udalerrian kantagintza sustatzeko Oiartzungo Udalaren eta Lartaun Abesbatzaren arteko hitzarmenaren onarpena.

5) Oiartzungo Irratiaren funtzionamendurako Udala eta Hitz Hots Kultur Elkartearen arteko hitzarmenaren onarpena.

6) Oiartzuarren Baitan, Txerri Eguna, Euskara Elkartea, motibazio saioak gazteentzat eta Kuadrillategi programak gauzatu ahal izateko Oiartzungo Udala eta Ttur-Ttur Euskaltzaleon Bilgunearen arteko hitzarmenaren onarpena.

7) Oiartzungo Udala eta Arraztalo Elkartearen arteko hitzarmenaren onarpena.

8) Arraztalo Elkarteari 2019. urteko diru-laguntza onartzea.

9) 2019 urtean Oiartzunen aurreikusitako kultur ekitaldiak antolatzeko herriko elkarteei dirulaguntzen banaketa eta ordainketaren onarpena.

10) Oiartzungo udalerrian hiri-garbiketa eta etxeko hondakinen bilketa eta garraioko zerbitzu kontratuaren 2. luzapena.

11) Oiartzungo Udala Gipuzkoako Garraioaren Lurralde Agintaritza Partzuegoan integratzeari onarpena.

12) ELI-3C (Mosa) eremuan izaera publikoa duten lurren Udalaren aldeko zesioaren onarpena.

13) Fermiñene eraikineko jarduera prebentiboaren plangintzari buruzko 2018 urteko txostenaren onarpena.

14) Udaletxeko jarduera prebentiboaren plangintzari buruzko 2018 urteko txostenaren onarpena.

15) Ibarburuene eraikineko lan arriskuen ebaluazioa berritzearen ondoriozko jarduera prebentiboaren plangintzari buruzko txostenaren onarpena.

16) 2018ko laugarren hiruhilekoari dagokion aurrekontuaren exekuzioaren, aurrekontuz kanpoko mugimenduen eta diruzaintzaren egoeraren berri ematea.

17) Beste ekitaldietako ordainagiriak baliogabetzea.

18) Beste organoen jardueraren jarraipena.

19) Eskari-galderak.