Udal berriak

Ondarearen Mahaia datorren ostegunean (hilak 7) bilduko da berriz, 18:00etan udaletxean.

Orain artean landu dituzten gaien jarraipena egingo dute, batez ere: Ondareran Mahaia identifikatzeko logoa aurkeztea; urrian Europako Jardunaldien baitan erroten inguruan antolatutako ekintzen balorazioa; Oiartzungo ondarea elkartuko duten webgunea sortzeko egitasmoaren garapena; Arizmendi-eneako lanen jarraipena; San Juan kaperako ondarea eta Iñaki Arbelaitz zenak etxean gordeta daukan materiala aztertu eta antolatzeko lanen bilakaera.