Udal berriak

Uztailean larrialdi zaintza zerbitzua eskainiko du Udalak

Uztailean ez da ohiko udaleku irekirik izango herriko haurrentzat. Hala ere, egutegi eta ordutegi berarekin larrialdi zaintza zerbitzua eskaintzeko asmoa du Udalak, kontziliazio arazoak dituzten etxeetako haurrei lehentasuna emanez.

Zerbitzu hori COVID19ak eragindako osasun larrialdi egoerari dagozkion prebentzio eta segurtasun neurri guztiekin eskainiko da.

Udalekuetan izena emana zuten familien beharrak ezagutzeko galdetegia pasatu du Udalak. Larrialdi zerbitzuaren beharra duten familientzako zerbitzuaren baldintzak diseinatu eta horien berri emango zaie familia horiei.

Udalekuetan parte hartuko ez duten haurren familiei dirua itzuliko die Udalak.