Oiartzungo Udalak zortzi langile kontratatu ditu Enplegu Planaren bidez: hiru peoi; peoien arduradun bat; informatikari bat; delineante bat; zuzenbidean lizentziatu bat eta dokumentalista bat dira. Hiru eta bost hilabete arteko iraupena izango dute euren lan-kontratuek.
Enplegu Plana langabezian dauden pertsonei bideratutako egitasmoa da, Lanbideko laguntzekin martxan jarri dena. Helburu nagusiak eskualdean enplegua sustatzea, langabetuen lan-merkaturatzean laguntzea eta lan-merkatura sartzeko zailtasunak dituztenei laguntzea dira.
Udalak egin dituen kontratazioez gain, Enplegu Plan honen bidez Arraztalo elkarteak ere lau lagun kontratatu ditu.
2024 © Oiartzungo Udala. Lege Oharra | Erabilerreztasuna | Cookiei buruzko oharra | Datuen Babeserako politika