Udal berriak

800 lagunek hartu dute parte antolatutako 14 tailer eta ekintzetan.

Kirol Astearen balorazio positiboa egin du Oiartzungo Udalak. Enekoitz Markos Kirol Zinegotziak azaldu duenez, 800 pertsonek hartu dute parte antolatutako ekintza, hitzaldi eta tailerretan.

Jarduera fisikoa eta kirola sustatu eta erdigunean jartzeko, Kirol Astea antolatu dute urriaren 23tik 28ra Oiartzungo Udalak eta Kirolaisik. Adin tarte guztientzat eskaintza zabala egon da.

“Herritarrek gustura hartu dute parte ekintza eta tailerretan. Gainera, kirol modalitate ezberdinak probatzeko aukera ere asko eskertu dutela” adierazi du Markosek. “Ariketa fisikoa egiten jarraitu eta ohitura osasuntsuak urte osoan zehar mantentzera” dei egin die oiartzuarrei. Kirol Astea antolatzeko herriko eragileek egindako lana eta jasotako laguntza ere eskertu nahi izan ditu zinegotziak.