Udal berriak

Herriko erraldoiak dantzatzen ibili den herritar taldea omenduko dute.

Abuztuaren 1eko kultur ekitaldia lekuz aldatzea erabaki du Udalak. Arizmendieneako lorategian egin izan ohi da xanistebanak iragartzeko emanaldia, baina eguraldi iragarpen txarra dela eta, lekuz aldatuko dute aurten. Landetxe kultur aretoan egingo da, 18:00etan.

Oiartzun 2024 urtekariaren aurkezpena egin eta Xanistebanak 2024 kartel lehiaketako sariak banatuko dituzte. Gainera,  herriko erraldoiak dantzatzeko ardura eta konpromisoa izan duen herritar taldea omenduko du Udalak, urtez urte herriko kulturgintzari egindako ekarpen esanguratsuagatik. Ekitaldi amaieran luntx txiki bat eskainiko die Udalak herritarrei, xanistebanetarako indarrak hartzeko.