Udal berriak

22 tailer ezberdin eskainiko dituzte, tartean 3 berri.

2024-2025 ikasturterako ikastaroen eskaintza prest du Helduen Tailerrak. 22 aukera ezberdin antolatu dituzte, horien artean 3 berriak. Astelehenean (irailak 2) irekiko dute aurrematrikula epea. Online edo aurrez aurre egin daiteke: 6ra bitarte Karaez kaleko lokalean, 10:00etatik 12:00etara eta 17:00etatik 19:00etara, edo hilaren 2tik 10era online, www.helta.eus webgunean.

Dantza ilaran, zeramika eta barreterapia ikastaroak, aurtengo berrikuntzak

Ehundaka oiartzuar aski gustura ibiltzen dira dagoeneko ohikoak bihurtu diren tailerretan. 22 ikastaro prestatu dituzte aurtengorako. Gainera, HELTAko kideak proposamen berriak ere eskaintzen saiatzen dira urtero, programa aberasteko. Aurten dantza ilaran, zeramika eta barreterapia ikastaroak antolatu dituzte lehen aldiz. Gainera, beste 19 hauek ere egongo dira: ariketa mentala, bertsolaritza, ehoziria, egur taila, euskal dantzak, gimnasia, gitarra, joste-lanak, luzaketak, margolaritza, patchwork, pilates, pilates terapeutikoa, tai chi, yoga, zaharberritzea, dantza latinoamerikarrak, masajea eta hipopresiboak.

Hemen ikusi daiteke ikastaroen zerrenda eta egutegia.

1.050 lagun aritu ziren tailerretan iaz

Interes handia sortzen dute urteko ikastaroek. 1.000 lagun baino gehiago aritu ziren iaz, eta aurten ere kopuru horretara iritsiko direla aurreikusi dute. Horregatik, eta ikasle kopurua mugatua denez, atolatzaileek aurreratu dute talderen batean jende gehiegi apuntatzen bada Oiartzunen erroldatutakoek eta 55 urtetik gorakoek izango dutela lehentasuna.

Iraila erdialdera argitaratuko dute onartutako pertsonen zerrenda eta orduan egin beharko da ordainketa. Tailerrek 85 euroko prezioa izango dute oiartzuarrentzat, eta 115ekoa gainontzekoentzat.

Informazio gehiagorako helduenta@hotmail.com helbidera edo 618 091 176 telefonora idatzi daiteke.

• HELTA ikastaroak 2024-2025.pdf